Ginpahayag ni Senador Christopher “Bong” Go nga handa siya magpabilin bilang kabahin sang minorya sa Senado bisan pa kon magdesisyon ang iban nga magbiya sa grupo.
Suno kay Go, indi importante para sa iya ang kadamuon sang miyembro sang grupo, kundi ang pagpadayon sa pagserbisyo sa pumuluyo kag pagtuman sang iya mandato bilang senador.
Ginpabutyag man sang senador nga magapadayon siya sa iya trabaho sa Senado kag magapokus sa mga isyu nga may kaangtanan sa kaayuhan sang katawhan.
Dugang pa niya, ang iya pagpabilin sa minorya indi base sa personal nga interes, kundi sa iya pagtuo sa pagserbisyo kag paghimo sang mga desisyon para sa kaayuhan sang mga Pilipino.
Samtang, nagapadayon ang pagbag-o sang alyansa kag pag-organisa sang mga grupo sa Senado matapos ang mga pag-ilis sa liderato sini.
