Nagpabutyag naman si Senator-Judge Alan Peter Cayetano sang iya mga panan-awan angut sa ginaalegar indi patas nga pagpatuman sang time limits sa nagapadayon nga impeachment trial batok kay Vice President Sara Duterte.
Kasunod ini sang obserbasyon ni Senator-Judge Raffy Tulfo nga ang mga pagsulundan dapat iaplikar sang tayuyon sa tanan nga senador-judges.
Ginpahayag ni Cayetano nga ginasuportahan niya ini nga panawagan apang nagalaum man siya nga mahatagan sang gamay nga tion oras sang pagpangusisa.
Suno kay Cayetano, apisar nga wala sang majority ukon minority bloc sa Impeachment Court, lain ang sitwasyon nga ginapangatubang sang iya grupo.
Una na nga gin-athag ni Presiding Officer Francis “Chiz” Escudero nga sa Impeachment Court, ang tanan nga senador nagaserbe bilang senador-judges, kag wala sang dibisyon sa majority kag minority.
