Gin-deny sang Senado ang hingyo ni Sen.Ronald “Bato” dela Rosa, nga gamiton sang iya pamilya ang Senate Mansion sa syudad sang Baguio.
Matandaan nga nagsulat si Sen.Bato kay Senate Pres. Vicente” Tito” Sotto III nga nagahingyo nga ang iya pamilya magtinir sa Senate Mansion para sa CSAFP Cup shooting competition nga pagahiwaton sa Marso 26-29, 2026.
Suno sa sulat nga nabaton sang Office of the Senate Secretary sa amo man nga adlaw, ang mansyon gamiton lamang sa pag-akomodar sang pamilya sang senador.
Wala man ginsambit sa sulat kun maga-upod man si Dela Rosa sa nasambit nga aktibidad.
Apang ginpahayag ni Senate Secretary Mark Llandro Mendoza nga indi mahimo nga i-grant ang hingyo sang senador bangud gina-renovate sa karon ang Senate Mansion.
Madumduman nga si Dela Rosa wala nagatambong sa mga sesyon sang Senado humalin sang Nobyembre 2025, kasunod sang mga report nga nagpagwa sang arrest warrant ang International Criminal Court (ICC) may kaangtanan sa kaso nga crimes against humanity batuk kay anay Presidente Rodrigo Duterte.
