Gapanawagan si Senador Erwin Tulfo sa gobyerno nga padasigon ang imbestigasyon sa sunog sang MV June Aster sa Coron, Palawan sang Setyembre 9, nga nagresulta sa kamatayon sang 77 ka tawo kag walo nga missing pa.
Ginpahayag ni Tulfo nga kinahanglan indi mapabay-an ang mga pamilya sang mga napatay kag ang mga nakaluwas, ilabi na ang mga nagreklamo sang kulang nga bulig halin sa operator sang ferry nga Atienza Interisland Ferries Inc.
Ginhagad niya ang Philippine Coast Guard (PCG) kag Maritime Industry Authority (MARINA) nga dasigon aga usisa sang ginhalinan sang sunog, lakip ang posible nga delikado nga kargamento kag kon nasunod ang mga emergency protocol.
Gin-insister man ni Tulfo ang hustisya, kompensasyon para sa mga biktima, kag pagpanabat sang mga responsable. Suno sa iya, pagadal-on niya ini nga isyu sa Senado agud mapalig-on ang seguridad kag kaluwasan sang mga nagabiyahe sa dagat.
