Ginhatagan pagtamod ni Sen. Erwin Tulfo nga ang tikang sang bag-o nga majority nga legal, valid kag nagasanto sa Konstitusyon.
Suno kay Tulfo, nag-agi sa nagakaigo nga proseso ang pagpili sang bag-o nga mga opisyal—kalakip na ang pagpungko ni Acting Senate President Win Gatchalian kag ang pag-uyat sini sa gamhanan nga Blue Ribbon Committee matapos makakuha sang bastante nga quorum kag majority nga boto.
Sa idalom sang Article VI, Section 16 sang Konstitusyon, ang Senado may awtonomiya sa pagbutang sang iya kaugalingon nga mga pagsulundan kag pagpili sang liderato base sa pagsalig sang kadam-an sang mga senador.
Ginsuportahan man ini sang Malacañang, nga nagapabutyag sang pagtahod sa desisyon sang assembly kag pag-ako nga ang tanan nga natabo “nasanto sa laye kag rule of law.”
