Ginpahayag ni Senate Impeachment Court Presiding Officer Sen. Francis “Chiz” Escudero nga indi niya pagbatunon ang posisyon bilang bise presidente kon mapamatud-an nga guilty siya sa impeachment trial kag mapahalin sa pwesto si Vice President Sara Duterte.
Suno kay Escudero, may yara sang conflict of interest kun batunon sini ang posisyon matapos magpartisipar bilang isa sa mga senador-judges nga magadesisyon sa kaso nga impeachment batok kay Duterte.
Apisar nga wala pa sang pormal nga tanyag sa iya, ginpahayag sang senador nga ginpakamaayo na sini nga isikway ini inkaso nga itanyag pa ini sa palaabuton.
Sa idalom sang Konstitusyon, kon ang posisyon sang bise presidente mangin bakante, ang presidente mahimo mag-appoint sang isa ka tal-us gikan sa mga katapo sang Senado kag House of Representatives, sa idalom sang kinahanglanon nga proseso kag pag-ugyon sang Kongreso.
Samtang, ginpanindugan naman ni Escudero nga nagapabilin siya nga patas kag impartial sa hearing sang kaso nga impeachment batok kay Duterte. Ginhatagan man niya sang importansya nga ang desisyon sang mga senador-judges dapat base sa ebidensya, sa baylo nga resulta sang survey.
Matapos nga pormal nga nag-untat ang prosekusyon sa pagpresentar sang ila mga ebidensya, natalana nga sugdan sang depensa ang pagpresentar sang mga testigo kag ebidensya sa Nobyembre 9.
Posible nga matapos ang impeachment trial antes matapos ang tuig, depende sa kadamuon sang testigo nga ginpresentar sang depensa kag kalawigon sang ila pagpangusisa.
