Gin-anunsyo ni Sen. Panfilo Lacson nga plano sang Senate majority bloc nga i-appoint si Sen. Francis “Chiz” Escudero bilang presiding officer sang impeachment court sa tion nga mag-convene liwat ang Senado bilang impeachment court.
Suno kay Lacson nga napilian si Escudero sa amo nga posisyon bangud sa iya eksperyensya bilang abogado kag impeachment proceedings.
Dugang pa niya, ini ang ginkasugtanan sang ila nga grupo, apisar nga gin-athag sini nga indi pa ini pinal kag mahimo magbag-o depende sa pormal nga desisyon sang senado.
Pahayag pa niya nga bisan si Senate President Sherwin Gatchalian ang nagsuporta sa proposal nga i-appoint si Escudero bilang presiding officer.
Samtang, ginkumpirmar naman ni Majority Leader Sen.Juan Miguel Zubiri nga wala ginbaton ni Escudero ang tanyag nga mangin Senate President Pro Tempore, bisan pa siya ang ginpahayag una nga napilian nga i-appoint sa amo nga posisyon.
