Ginbusisi ni Senator-Judge Risa Hontiveros si former COA Atty. Roderick Wamil angut sa ginaalegar kakulang sang ebidensya sang kadalag-an sa intelligence operations sang Office of the Vice President (OVP), sa pihak sang daku nga kantidad sang kwarta nga ginbuy-an bilang rewards.
Suno kay Wamil, ang iya pag-analisar ang base sa mga dokumento nga ginsumite sang OVP.
Sang ginpamangkot ni Hontiveros kon ano ang ginapakita sang kakulang sang pamatuod sang evidence of success sa pihak sang madamo nga ginpanagtag nga rewards.
Si Wamil nagsiling nga ang OVP wala nagsunod sa gintalana nga mga kinahanglanon sang Joint Circular, nga ginaalegar bangud sa kakulang sang evidence of success, ang Commission on Audit (COA) indi man makasiguro kon ang rewards ginhatag gid sa mga lehitimo nga mga informant.
