Ginpamangkot ni Senator-Judge Imee Marcos si Violeta Constantino angut sa iya testimonya sa House Justice Committee, matapos sini manutisyaran nga naglain-lain ang mga sabat ni Constantino angut sa kon sin-o gid ang nagbutang sang cash sa mga bag.
Sa hearing sang impeachment trial, ginpahayag ni Marcos nga sang nag-atubang si Constantino sa House Blue Ribbon Committee, una sini nga ginpahayag nga indi niya madumduman kon sin-o ang nag-withdraw sang kwarta kag ginsulod sa mga bag.
Suno kay Marcos, nagbag-o lamang ang sabat sang witness matapos nga ginsambit ni House prosecutor Gerville Luistro ang ngalan ni Gina Acosta nga ginpahayag nagpahanumdom kay Constantino sang natabo.
Nagdepensa naman si Constantino, mahimo nga balikan ang transcript sang nasambit nga hearing bangud mahimo nga may yara sang nauna nga pamangkot nahanungod sa iya pagkilala kay Acosta, gani amo na ang konteksto sang iya sabat.
