Hugot man ang panindugan Senator Imee Marcos nga ang administrasyon sang iya utod nga si President Ferdinand Marcos Jr.,ang isa ka “gobyernong tulog” bangud wala sang nagakaigo nga aksyon sa nagapadayon nga mga problema sang pungsod.
Suno kay Marcos, padayon nga nagaantos ang madamo nga mangunguma kag manugpangisda bangud sa mataas nga gasto sa produksiyon, kulang nga suporta gikan sa gobyerno, kag nagapadayon nga mga problema sa seguridad sang pagkaon kag pangabuhi.
Ginpahayag man sang senador nga kinahanglan palig-unon sang administrasyon ang mga programa para sa sektor sang agrikultura kag pangisdaan, lakip na ang paghatag sang mas daku nga suporta sa mga mangunguma kag mangingisda agud mapataas ang ila produksyon kag kita.
Dugang pa ni Imee, indi dapat pag-unahon ni President Marcos ang pagbyahe sa iban nga pungsod samtang nagaantos sa kamahal sang gasolina ang mga Pilipino sa Pilipinas.
