Sen. Imee Marcos, nagpagwa sang abiso para sa isa ka emergency meeting sang mga alkalde nga kalakip sa League of Municipalities in the Philippines – Ilocos Norte Chapter

Gin-abisuhan ni Sen. Imee Marcos ang tanan nga alkalde nga miyembro sang League of Municipalities in the Philippines (LMP) – Ilocos Norte Chapter natuhoy sa isa ka emergency meeting.

Base sa social media post sang sendora , patigayunon ang importante nga pagtililipon sa Bacarra Municipal Hall subong nga adlaw, Nobyembre 19, 2025 sa takna las 3 sang hapon.

Ginadumilian man ang proxies ukon tiglawas sang mga alkalde sa importante nga pagsinapol.

Wala naman gintumod sa abiso kun ano ang importante nga mga butang ang pagahinalaan.

Madumduman nga sa ginpatigayon nga pagtililipon sang Iglesia ni Cristo sa Quirino Grandstand, may mabug-at nga mga alegasyon nga ginbuyagyag ang senadora batok sa iya nga utod nga si President Ferdinand Marcos Jr.