Nagpasaka sang reklamo nga plunder kag graft ang isa ka grupo batok kay Senador Jinggoy Estrada kag anay DPWH Secretary Manuel Bonoan may kaangtanan sa umano nga maanomalyang proyekto sang gobyerno.
Suno sa reklamo, ginakilala nga may mga iregularidad sa pagpatuman kag pag-release sang pondo para sa pipila ka infrastructure projects nga ginakuhaan sang duda nga overpricing kag anomalous nga transaksyon.
Ginasiling sang mga nagpasaka sang kaso nga ini nga mga iregularidad posible nga nagresulta sa daku nga kapierdihan sa pondo sang gobyerno, rason nga ila ginpanawagan ang imbestigasyon kag pagpasaka sang kaso batok sa mga opisyal nga nalambigit.
Sa pihak nga bahin, ginapaabot pa ang opisyal nga sabat ukon reaksyon sang duha ka akusado sa nasambit nga reklamo.
