Ginhangkat ni Senador Francis “Kiko” Pangilinan si Senador Robin Padilla sa iya plano nga mag-file sang ethics complaint batok sa iya, sa diin ginpahayag nga maga-file man ini sang counter-complaint bangud sa gina-alegar pagpamahog kag kakulang sang decorum sa senado.
Sa isa ka post sang senador, ginpahayag sini nga ang ginaproponer ang reklamo ni Padilla kulang sang bastante nga legal nga basehan kag ginpanugyan sa iya nga indi mangin “panit sang sibuyas.”
Suno sa senador, indi malikawan nga may magluntad nga mainit nga paghinun-anon kag pagpataas sang tingog sa tunga sang mainit nga debate sa plenaryo.
Ginpahayag man ni Pangilinan nga kun padayunon ni Padilla ang reklamo, magapasaka siya sang counter-complaint batok sa iya bangud sa ginaalegar paglapas sa parliamentary rules, kakulang sang nagakaigo nga decorum, kag ginaalegar pagpamahog kag pagpangharass sa tion sang plenary session recess.
Nahuibaluan nga nag-umpisa ang tensyon sa tunga sang duha ka mga senador matapos gin-istoryahan sang senado ang gina-alegar harassment kag human rights violations nga ginhimo sang mga tinawo sang National Bureau of Investigation (NBI) sa tuyo nga magserbe sang arrest warrant batuk kay Senador Ronald “Bato” dela Rosa sang tinalikdan nga Lunes sang gab-i.
