MANILA — Nagsabat si Sen. Panfilo “Ping” Lacson kay Senate Minority Leader Alan Peter Cayetano matapos ikumparar sini sa “striptease” ang paagi sang imbestigasyon ni Lacson sa ginapatihan nga anomalya sa flood-control projects sa Taguig City.
Suno kay Lacson, kinahanglan nga maampingon, sistematiko kag maid-id ang imbestigasyon sa mga kaso sang korapsyon kag indi ini dapat pagdali-dalion.
Ginpahayag man ni Lacson nga may yara na ang iya grupo sang indi magnubo sa 45 ka case studies nga may kalakip nga opisyal nga mga dokumento kag ginsumiter na sa Office of the Ombudsman.
Samtang, ginpahayag ni Cayetano nga nag-uswag na ang flood-control system sa Taguig kag ginpangabay ang mga opisyal sang siyudad nga himuon nga oportunidad ang mga kritisismo agud mapauswag pa ang serbisyo sa mga residente.
Una na nga gin-akusahan ni Lacson nga P3.7 bilyon nga pondo sang publiko ang nasayang sa ginapatihan nga ilegal nga reclamation project sa bahin sang Taguig City sa Laguna Lake.
Wala pa diri nalakip ang ginapatihan nga kuwestiyonable nga flood-mitigation projects sa Taguig River, nga suno kay Lacson may doble nga pondo kag “ghost projects.”
