MANILA, Philippines – Nagapanawagan si Senadora Loren Legarda sang mas madalom nga pagpangusisa sa mga rason sa likod sang nagalain-lain nga insidente sang pagkabayolente sang pila ka kabataan, kasunod sang pagpangluthang sa sulod sang eskwelahan sa San Jose National High School sa Tacloban City.
Suno kay Legarda, masami sa karon sa menor de edad nga nalakip sa mabug-at nga krimen ang may ginapangatubang nga trauma, depresyon, anxiety kag iban pa nga mental health concerns, kun sa diin kinahanglan nga mapalig-on ang suporta sang pamilya, eskwelahan kag komunidad.
Ginpabutyag man niya nga bisan pa nga nagakahinanglan ang menor de edad sa ila nahimo nga magatubang sa kaso, sa nagapadayon nga layi kag juvenile justice system, ang mas makabalaka amo nga nakakuha sila sang access sa armas luthang.
Dugang pa sang natungdan ang mas hugot nga kooperasyon sang pamilya, eskwelahan, komunidad, technology companies kag gobyerno mahimo nga makaprotekta sang kabataan, partikular na sa epekto sang social media.
Sa karon nahibaluan nga ginduso ni Legarda ang mas istrikto nga pagpatuman sang anti-bullying measures, pagpalig-on sang guidance kag counseling services, madasig nga pagkilala sa kabataan nga nagakinahanglan sang bulig, hugot nga pagbantay sang ginikanan sa paggamit sang social media, online games, kag sa husto nga pagtipig sang mga armas sa sulod sang panimalay.
