Nagapabilin nga naka-medical leave si Senator Loren Legarda, bangud sa isa ka seryoso nga balatian, suno kay Senate President Win Gatchalian.
Ginpahayag ni Gatchalian nga nahibaluan niya ang kondisyon ni Legarda, pero tuman ini ka personal kag indi ini makahatag sang detalye sang balatian.
Suno sa National Bureau of Investigation, nagbiyahe si Legarda sa France sang Agosto 2 kag nagpa-medical leave halin Agosto 3 tubtob 5, nga gin-extend tubtob Setyembre 2.
Samtang, gina-imbestigaran sang Office of the Ombudsman si Legarda kag ang iya bata nga si Batangas Congressman Leandro Leviste may kaangtanan sa reklamo nga P10-billion plunder kag graft.
Ginpahayag man ni Gatchalian nga wala nagabaton sang sweldo si Legarda samtang naka-leave, pareho sa mga senador nga detained, lakip si Senator Ronald dela Rosa.
