Nagalaum si Senator Imee Marcos nga sa ulihi makabalik na sa Pilipinas si former Ako-Bicol Partylist Representatives Zaldy Co agud ibuyagyag ang iya nahibaluan tuhoy sa flood control scandal.
Suno sa Senator, una na nga nagpabutyag sang kahanda si Co nga magpagwa sang mga impormasyon nga yara sa iya angut sa nabuyagyag nga korapsyon sa mga flood control projects.
Ginpahayag niya nga base sa iya nakuha nga impormasyon possible nga yara sa gihapon sa Europe ang pugante nga si Co.
Sa pihak nga bahin, ginhatagan pagtamod ni Senator Marcos nga indi mangin mahapos ang pagpabalik kay Co sa Pilipinas, bangud nga ang Europa tuman ka estrikto, ilabi na sa mga kaso sang ‘political oppression.’
Sa katapusan, nagalaum si Marcos nga magadesisyon si Co nga boluntaryo nga magbalik sa pungsod agud ibuyagyag ang mga impormasyon nga iya nahibaluan.
Samtang, ginkwestyon man ni Imee Marcos ang pahayag ni Senate Tempore Panfilo Lacson angut sa plano nga dungan nga ipresentar sa Senate Blue Ribbon Committee ang 18 ka soldado nga nagpakilala nga bagman kon makabalik na si Co sa Pilipinas.
Suno kay Marcos, dako ini nga problema bangud wala pa ma-trace si Co kag bisan mismo si President Ferdinand Marcos Jr., ang ginaalegar nabiktima sang ‘fake news’ sa nahamtangan ni Co.
Para sa Senador mas maayo kun ipatawag ang mga yara diri sa Pilipinas kaangay sang iya pakaisa nga si former House Speaker Martin Romualdez agud madula ang espekulasyon nga may ginaprotektahan ang panel.
