Gintawag ni Senator Mark Villar nga wala sang basehan kag wala sang bisan ano nga ebidensya ang paglakip sa iya sa anomalya sang flood control projects.
Sunod sini ang rekomendasyon sang Independent Commission on Infrastructure (ICI) nga pasakaan siya sang kaso sa Office of the Ombudsman.
Suno sa Senador, may integridad siya kag ang iya mga track record ang nagapakita nga husto ang iya trabaho.
Ginpahayag niya ang iya bug-os nga kahandaan sa bisan ano nga imbestigasyon nga pagahimoon sang ICI kag ginatanggap niya ang masusi nga imbestigasyon agud mabuligan mahibaluan ang kamatuoran.
Matandaan nga magluwas kay Villar ginrekomendar man sang ICI sa Ombudsman nga imbistigaran kag pasakaan sang kaso sanday Senator Francis Chiz Escudero kag ang mga anay senador nga sanday Nancy Binay kag Grace Poe.
