Bukas nga makig-istorya si Senador Robin Padilla sa aktres nga si Angel Locsin kasunod sang ila conflict may kaangtanan sa impeachment trial batok kay Vice President Sara Duterte.
Ini matapos nagpanawagan si Angel sa iya social media account nga magbag-o sang panindugan sa pulitika kag ginkwestyon ang paghipos sang senador sang gin-red-tag ini, apisar nga ginpahayag nga indi matuod ang mga alegasyon batuk sa iya.
Matandaan nga gin-angut sang pila ka mga anay military officials kag ni former National Task Force to End Local Communist Armed Conflict spokesperson Lorraine Badoy si Angel sa mga komunista nga grupo bangud sang iya makatawo nga trabaho kag adbokasiya sa panahon sang administrasyon ni former President Rodrigo Duterte, apang wala napamatud-an ang amo nga mga alegasyon.
Sa bahin ni Robin, ginpahayag sini nga bukas ang iya linya sang telepono kag sang iya asawa nga si Mariel Rodriguez Padilla kon luyag mag-istorya si Angels agud maathagan ang ila indi pag-intindihanay.
