Ginpamangkot naman ni Senator-judge Robin Padilla ang former state auditor sang Commission on Audit–Intelligence and Confidential Funds Audit Office (COA-ICFAO) nga si Atty. Roderick Wamil kun ano ini ka pamilyar sa pamahog sang terorismo sa pungsod kag sa proseso sang pag-audit sang COA.
Ginmitlang ni Padilla ang mga grupo nga ISIS, New People’s Army (NPA), kag Abu Sayyaf.
Sabay naman ni Wamil nga ang iya ihibalo ang nakabase lamang sa mga report sa balita kag wala siya sang bastante nga basehan agud matumod ang kasangkaron sang pamahog sang terorismo sa Pilipinas.
Ginpamangkot man ni Padilla kun nagapatigayon si Wamil sang imbestigasyon kaangot sa confidential funds sang Office of the Vice President.
Nagsabat naman ni Wamil nga ang ginahimo sang COA amo ang evaluation kag indi imbestigasyon.
Gin-athag man niya nga ang Audit Observation Memorandum (AOM) ang pauna nga obserbasyon lamang kag indi pa pinal nga konklusyon.
