Indi na magbalos pa si Senador Robin Padilla sa kritisismo ni Lanao del Sur Representative Zia Alonto Adiong may kaangtanan sa isyu sang mga alyas nga gin-istoryahan sa impeachment trial ni Vice President Sara Duterte.
Matandaan nga gin-usisa ni Padilla si Private Prosecutor nga si Atty. Mae Divinagracia kon nahibaluan sini nga ang iban nga mga national heroes nagagamit man sang mga alyas.
Ginpaanggid ni Padilla sa tunga-tunga sang isyu ang mga alyas nga nalakip sa acknowledgment receipts sang confidential funds ni Duterte.
Suno kay Adiong, insulto sa mga national heroes ang pagkumparar sang ila mga alyas sa mga ngalan nga makita sa records sang Office of the Vice President.
Sa post naman ni Padilla, ginpahayag sini nga utod niya sa Islam si Adiong kag personal nga abyan, gani mas ginpili sini nga maghipos sangsa magsabat sa kritisismo.
