Sa pagsugod sang ikapito nga adlaw sang impeachment trial ni Vice President Sara Duterte, nagmanifest si Senator-Judge Robin Padilla nga nakasumite na ini sang iya counter-affidavit sa Office of the Ombudsman angut sa obstruction of justice complaint nga ginpasaka batok sa iya.
Nagpangayo man sang pasaylo si Padilla kag ginpanginwala ang mga alegasyon nga napaslawan ini sa pagsabat sa mandu sang Ombudsman.
Ginpahayag sini nga luyag niya nga maathagan ang bagay agud masiguro nga ang integridad sang impeachment court ang indi madagtaan.
Bilang pamatuod, ginpresentar ni Padilla ang orihinal nga kopya sang iya counter-affidavit kag nagpabutyag sang iya kahandaan nga maghatag sang kopya sa iya mga kaupdanan nga senador-judges.
Ginpahayag ni Padilla nga ginatahod niya ang Office of the Ombudsman nga amo ang rason kon ngaa gin-file niya ang counter-affidavit kag ginhatagan pagtamod nga indi niya pagdal-on ang kahuy-anan sa iya mga kaupod sa Senado.
