Ginkwestyon ni Senator-Judge Pia Cayetano si Rep. Chel Diokno kun bala indi invasive ang pagpangita sa financial records ni Vice President Sara Duterte sa idalum sang subpoena.
Bilang sabat, ginklaro ni Diokno nga magkatuhay ang search warrant kag subpoena. Suno sa iya, ang subpoena nagahingyo lamang nga isumiter ang mga dokumento kag indi ini automatic nga mangin ebidensya sa impeachment court.
Dugang pa sang proscution, paga-istoryahan sang defense kag sang prosecution kon ano sa mga makuha nga dokumento ang mahimo ipresentar bilang ebidensya.
Apang sang ulihi ginpahanugutan sa gihapon ni Presiding Officer Senator Francis “Chiz” Escudero ang hingyo sang House prosecution nga mag-issue sang subpoena para sa bank records nanday Vice President Sara Duterte kag bana sini nga si Atty. Manasseh “Mans” Carpio.
