Ginkumpirmar sang National Bureau of Investigation (NBI) nga ginakabig sini nga “person of interest” si Senador Robin Padilla may kaangtanan sa pagkadula kag nahamtangan ni Senador Ronald “Bato” dela Rosa matapos nga naghalin ini sa Senado sang aga sang Huwebes.
Suno kay NBI Director Melvin Matibag, ulihi nga nakita si Padilla upod si Dela Rosa antes ini nadula sa sulod sang Senado.
Dugang pa niya, si Padilla ang automatic nga nalakip sa mga paga-usisaon agud maklaruhan ang nahamtangan sang senador.
Naghalin sa Senado si Dela Rosa pila ka oras matapos ang tensyon kag nagreport sang lupok sa sulod sang building sang Miyerkules sang gab-i, samtang yara siya sa idalom sang “protective custody” sang Senado may kaangtanan sa warrant halin sa International Criminal Court bangud sa kaso nga crimes against humanity may kaangtanan sa war on drugs sang nagligad nga administrasyon.
Ginpahayag man ni Matibag nga nagasuspetsa ang pila ka NBI agents nga posible gin-“diversion” ang lupok agud makapalagyo si Dela Rosa.
Suno sa opisyal, bisan ang asawa sang senador ang nagsiling nga ginhimuslan niya ang kinagamo agud maghalin sa senado.
Padayon naman ang koordinasyon sang NBI sa Department of Justice samtang nagapadayon ang imbestigasyon sa insidente kag sa posible nahamtangan ni Dela Rosa.
