-- ADVERTISEMENT --
Ginkumpirma ni Senate President Pro-Tempore kag Acting Senate President Sherwin Gatchalian nga magabalik ang session sang Senado subong nga adlaw apisar sang nagapadayon nga isyu sa pamunuan sang Upper House.
Suno kay Gatchalian, magapabilin ang hugot nga seguridad sa Senado, lakip na ang pagpatuman sang “no visitor policy,” bilang kabahin sang mga tikang may kaangtanan sa ginreport nga pamahog sa seguridad sang National Bureau of Investigation ukon NBI.
Apang indi pa maathag kun ano nga sahi sang pagsinapol ang pagahiwaton bangud wala pa sang detalye nga ginpaguwa kon ini mangin regular session, organizational meeting, committee hearing, ukon special proceeding.
Samtang, nagapadayon naman ang debate sa liderato sang senado matapos ginpanindugan ni Senate President Alan Peter Cayetano nga bastante na ang boto sang 13 ka mga senador agud ma-validate ang pagpili sa presidente sang senado.
Bangud sini, ginahulat na lang sang publiko kon paano mag-function ang senado sa tion nga mag-reconvene na ini.
