Ginakabig sang human rights group nga makahuluya ang natabo bangud nga daw kaangay nga nangin protektor ang Senado sang mga opisyal nga may ginapangatubang nga kaso.
Ini kasunod sang paglagsanay sang mga sang National Bureau of Investigation ukon NBI agents nga maserbe sang warrant of arrest batok kay Senador Ronald dela Rosa may kaangtanan sa ginapahayag kaso nga crimes against humanity sa International Criminal Court.
Sa interview sang Bombo Radyo kay Raoul Manuel, Karapatan national council member, iya ginpahayag nga dapat mahibaluan sang mga senador ang limitasyon sang parliamentary immunity.
Suno kay Manuel, indi sakop sang parliamentary immunity ang mabug-at ukon seryoso nga mga krimen.
Ang parliamentary immunity amo ang proteksyon sang layi sa mga senador kag kongresista batok sa kaso samtang ginatuman nila ang ila trabaho sa gobyerno.
Dugang pa sini, dapat magapangatubang si Sen. Bato Dela Rosa sa proseso sang layi kag ma-aresto kun may yara sang legal nga basehan.
