-- ADVERTISEMENT --
Ginatun-an sang Senado ang mga tikang agud mapadasig ang impeachment trial batuk kay Vice President Sara Duterte nga indi maapektuhan ang iban pa nga importante nga hilikuton sang Kongreso.
Suno kay Senate President Sherwin Gatchalian, posible maglawig sang pito tubtub walo ka bulan ang trial kun magasugod ini sa Hulyo 6, kag posible matapos sa Pebrero sa masunod nga tuig.
Bangud sini, ginakonsiderar sang Senado nga buhinan ang mga testigo kag padasigon ang pagpresentar sang mga ebidensya pinaagi sa koordinasyon sang prosekusyon kag depensa.
Magapagwa man sang pre-trial order ang Senado antes ang pormal nga pagbista kag ipatuman ang mas hugot nga seguridad agud masiguro ang nagakaigo nga hearing sa kaso nga impeachment.
