Ginkwestyon ni Senate President Chiz Escudero ang pagiging kumpleto kag preparasyon sang PUV Modernization Program.
Ini matapos ang ginkasa ngaPUV Modernization Program sang operators kag drivers nga nag-comply sa PUV Modernization kag sa karun ginpaiway ni Pangulong Bongbong Marcos ang resolusyon sang Senado nga nagahinyo sang temporaryo nga suspendihon ang PUV Modernization Program bangud madamo sang isyu kag problema ang amu nga programa.
Suno kay Escudero, ang pagsuspendi sa programa wala nagakahulugan nga mangin wala sang pulos ang pagtimakas sang mga nauna na nga nag-comply sa programa kundi agud mahatagan sang bastante nga panahon ang mga indi pa makasunod samtang wala pa maplastar kag nakay-o sang husto sang gobyerno ang modernization program.
Bangud sini, ginsita ni Escudero nga wala pa nagastos sang husto sang gobyerno ang pondo para sa programa magluwas diri indi man sang bastante ang nahatag nga subsidiya sang gobyerno kag ginapabugal sang DOTr nga ipautang sa operators kag drivers, indi man sang kumpleto ang local transport plan sang mga LGUs kag tubtob subong wala pa sang instakto nga valuation nga para sa madugay na nga jeepneys nga i-decommission nga ihatag bilang pambayad kun tani sa operators kag drivers.
