Indi luyag nga hatagan ni Senate President Chiz Escudero sang meaning ang pagtawag ni Vice President Sara Duterte sa kaugalingon bilang “designated survivor”.
Sa una nga kahigayunan indi magtambong si Duterte sang SONA ni Presidente Bongbong Marcos sa palaabuton nga Hulyo 22.
Suno kay Escudero, posible nga nahambal lamang ini ni VP Duterte agud himuon nga mangin mamag-an ang iya excuse sa indi pagtambong sa SONA.
Samtang, suno naman kay Senator Sherwin Gatchalian, indi naman suno ginapahayag ni VP Duterte nga matabo ang kasubong sa US series nga “Designated Survivor” kun sa diin napatay ang tanan nga lider sang Estados Unidos matapos nagtambong sa State of the Union Address.
Suno sa iya, wala niya nahibaluan kun ano gid ang yara sa huna-huna sang bise presidente apang mahimu nga napanumdom lamang ni Duterte nga siya na ang “next in line” kag kabahin sang iya responsibilidad ang mangin sagabal nga magtal-os pananglitan indi maka-function ang presidente.
