Posible nga ipaaresto sang Senado si suspended Bamban, Tarlac Mayor Alice Guo kun indi sa gihapon ini mag-atubang sa ila hearing sa July 10.
Ini ang nangin paandam ni Senator Sherwin Gatchalian matapos nga indi magtambong si Guo sa preliminary investigation sang Department of Justice kag ang abogado lamang sini ang ginpaatubang sa imbestigasyon.
Pahayag pa ni Gatchalian, indi sila mapasugot nga indi matambong si Guo kag ang abogado lang sini ang paatubangon bangud may yara sang subpoena nga ginpadala ang Senado sa alkalde agud mapilitan ini nga mag-atubang sa hearing.
Kung magpakatig-a ang mayora kag indi mag-atubang sa imbestigayon mapilitan sila nga ipa-contempt si Guo kag mahimo nga mag-isyu sang warrant of arrest para mabitbit siya sa Senado.
Samtang, nagapati naman si Gatchalian nga wala sang anxiety si Mayor Guo bangud nahimo sini nga magpamakak sang duha ka beses nga pag-atubang sa Senado.
