Nagpalab-ot sang pagpanginbulahan ang Senado kay Filipino tennis sensation nga si Alex Eala matapos nga nakuha sini ang makasaysayan nga kampeonato sang Mubadala DC Open, nga nangin pinakauna nga Pinoy nga nagdaug sang WTA 500 singles title.
Antes ang pormal nga pagsugod sang ika-12 nga adlaw sang impeachment trial kay Vice President Sara Duterte, naghatag sang tion si Trial Presiding Officer Francis “Chiz” Escudero kag ang bug-os nga mga senador agud maghatag sang pasidungog sa 21 anyos nga tennis star.
(EALA)
Suno kay Escudero, nag-ugyon sila sa pagdayaw sa kadalag-an ni Eala, nga nagdala sang daku nga kadungganan sa bug-os nga pungsod.
Matandaan, ginlutos ni Eala ang World No. 3 nga si Jessica Pegula sang USA agud makuha ang kampeonato sa nasambit nga competition.
