Senado, paga-istoryahan subong nga adlaw ang possible pagsaylo sa hapon sang impeachment trial ni Vice President Sara Duterte

Posible nga isaylo sa hapon ang impeachment trial ni Vice President Sara Duterte agud mahatagan sang dugang nga tion ang mga senador para sa proceedings.

Natalana ini nga istoryahan sang mga senador subong nga adlaw kasunod sang pagka-delay sa pila ka hearings tuga sang malain nga panahon kag pagbaha.

Sa ginaduso nga schedule, pagahimuon ang regular session sang Senado alas-10 sang aga tubtub alas-2 sang hapon.

Samtang, magasugod naman ang impeachment trial alas 2:30 sang hapon kag posible maglawig tubtob alas 7:30 sang gab-i ukon masobra pa kun kinahanglanon.

Kun ma-aprubahan, ang bag-o nga schedule mahimo nga mag-epekto sa Setyembre 1 kag pormal nga i-anunsyo sa Miyerkules, Agosto 26.