Nagapanindugan si Senate President Vicente “Tito” Sotto nga himuon sang Senado ang tanan agud masiguro nga wala sang reenacted budget sa masunod nga tuig.
Suno kay Senator Sotto, kumpiyansa siya nga ang P6.793 trillion nga budget para sa 2026 ang mapasar kag mapirmahan ni President Ferdinand Marcos Jr. antes magtakop ang tuig 2025.
Una na nga ginpanawagan sang Malacañang ang mga mamalidha nga dasigon ang pagpasar sang 2026 national budget bangud indi luyag sang Presidente nga maggamit sang reenacted budget para sa masunod nga tuig.
Kasunod ini sang pag-ako ni Senator Sherwin Gatchalian, chairman sang Senate committee on finance, nga may yara sang kulba sa reenacted 2026 budget bangud sa hugot nga work timeline.
Sa pihak sini, ginpahayag ni Gatchalian nga nagapabilin nga “on track” ang Senado agud mapasar ang 2026 General Appropriations Act.
