-- ADVERTISEMENT --
Wala pa sang may nahimo nga tikang ang Senado angut sa partisipasyon nanday Senators Jinggoy Estrada kag Rodante Marcoleta sa impeachment trial batok kay Vice President Sara Duterte.
Suno kay impeachment court spokesperson Atty. Reginald Tongol, ginpahayag niya nga si Presiding Officer Francis “Chiz” Escudero na ang naghambal nga indi ang Senado ang tama nga forum agud istoryahan ang amo nga isyu kag wala pa sang senador nga naka-file sang aksyon.
Gin-athag man ni Tongol nga liwat lamang makapasakop si Estrada kun matapos na ang iya 90-day preventive suspension kag pahanugutan na ini sang Sandiganbayan nga makapiyansa.
Sa kaso naman ni Marcoleta, wala pa sang aksyon nga ginpaguwa ang Senado angut sa posibilidad sang iya pagpasakop sa trial.
