Nagpanawagan si Senador Bam Aquino sang mas mabug-at nga silot sa mga eskwelahan kag indibidwal nga nagapang-embezzle gikan sa voucher program sang gobyerno para sa mga estudyante sang pribado nga eskwelahan, nga iya ginlaragway nga lain nga lebel sang kalainan.
Suno kay Aquino, chair sang Senate Committee on Basic Education, may mga pribado nga eskwelahan, ilabi na ang mga may temporaryo nga permit, nga nagagamit sang “ghost students” agud makakuha sang pondo gikan sa Senior High School voucher system, nga dapat para sa matuod nga mga estudyante.
Ang mga madakpan nga naga-engage sa syndicated estafa ukon pagpalsipikar sang mga dokumento masami nga ginapasakaan sang kaso, apang tuyo ni Aquino nga makaangkon sang separado kag mas matigdas nga penalidad sa bag-o nga laye agud magserbe nga paandam sa posible nga mga manugdaya.
Gin-anunsyo sang senador nga igalakip sa final committee report ang mas hugot nga penalidad, agud masiguro nga ang tagsa ka piso halin sa DepEd voucher system ang makalab-ot sa mga estudyante nga matuod-tuod nga nagakinahanglan.
