Ginkumpirma ni Department of Justice Secretary Fredderick Vida nga wala sa Davao del Sur si Senador Bato Dela Rosa.
Suno kay Vida, ini ang ginpasalig sa iya ni Davao del Sur Governor Yvonne Roña Cagas sang damlag lang sang ini nagbisita sa Mindanao.
Ginpasalig man sang gobernador nga indi paghimuon nga palanaguan ukon dalangpan sang mga fugitives ang ila probinsya kag indi sila maghatag sang proteksyon kay Dela Rosa.
Nahibaluan nga ginapangita pa sang mga otoridad ang senador kon sa diin ₱50 million nga padya sa sin-o man nga makatudlo sa iya nahamtangan.
Matandaan nga nagapangatubang si Dela Rosa sang arrest warrant gikan sa International Criminal Court may kaangtanan sa kaso nga crimes against humanity, kon sa diin ginhingadlan ini bilang co-perpetrator ni former President Rodrigo Duterte.
