Nagpaandam si Senator Erwin Tulfo nga ipadakop niya ang sin-o man nga senador nga magpatigayon sang Senate Blue Ribbon Committee hearing nga wala sang iya pahanugot, bangud siya ang lehitimo nga chairman sang komitiba.
Kasunod ini sang ginpatigayon nga hearing sang Cayetano bloc sang Hunyo 4 sa pagpanguna nanday Senador Pia Cayetano kag Rodante Marcoleta kon sa diin nagtuhaw ang mga akusasyon gikan sa pila ka mga anay katapo sang Philippine Marines angut sa ginaalegar male-maleta nga kuwarta.
Hugot man sini nga ginpanghiwala ang mga alegasyon batok sa iya, nga nagapanindugan nga kulang ang ebidensya.
Gintawag man sini nga “sham hearing” ang nasambit nga hearing kag ginpahayag wala sang otorisasyon sang Senado.
Ginpanindugan man sang senador nga indi niya pagtugutan ang kasubong nga hearing sa palaabuton kag ginhangkat ang mga akusado nga magpasa sang konkreto nga ebidensya sa Ombudsman.
