Ginsiling ni Senator Joel Villanueva nga kinahanglan may manabat sa mga flood control project sang gobyerno.
Ini matapos ma-eksperyensyahan sa Metro Manila ang mataas kag tuman nga pagbaha dala sang Super Typhoon Carina kag habagat apisar nga binilyon ang ginpain nga pondo para subong nga tuig.
Suno kay Villanueva, ang anay subong nangin sulumpaan ang gobyerno bangud tuigan sila nga nagahatag sang pondo apang wala man nakitaan sang improvement kag wala man nabatyagan sang publiko ang epekto sang proyekto.
Bangud sini pabor ang senador sa imbestigasyon sang mga flood control project kun sa diin suno diri kinahanglan nga pamangkuton ang DPWH angut diri ilabi na nga sila ang nagapanguna nga implementing agency.
Gintumod man ni Villanueva nga indi lamang DPWH ang kinahanglan nga mapanabat bilog nga gobyerno na kag may yara sang tagsa-tagsa ka mga flood control programs sa DENR, MMDA kag Department of Agriculture.
