Nagpaidalum na si Senador Imee Marcos kag ang iya mga staff sa drug testing kasunod sang mga report nga ginapahayag paggamit sang marijuana sang isa ka empleyado sang Senado sa sulod sang mga pasilidad sang kamara.
Suno sa talatapan sang Senador, tanan nga 38 ka mga tinawo sini, lakip na ang iya mga security personnel ang nakatapos sang mandatory 5-panel drug test para sa cocaine, shabu, ecstasy, marijuana kag opium.
Ginpahayag man sang Senador nga wala sang may nagapamatok nga ipa-drug test ang iya mga tinawo.
Magluwas kay Sen.Imee, nagpaidalom man sa drug testing sanday Senador Juan Miguel Zubiri kag Raffy Tulfo upod ang ila staff. Negatibo sa iligal nga druga si Tulfo kag ang iya mga tinawo.
Ginmanduan man ni Sen.Loren Legarda ang iya mga tinawo nga siguraduhon nga drug-free ang iya talatapan.
Samtang nagpabutyag sang kahandaan si Senate President Pro Tempore Jinggoy Estrada nga magpaidalom sa drug test kag ang iya mga tinawo.
