Napaslawan si Senador Imee Marcos sa pagbisita kay anay Presidente Rodrigo Roa Duterte sa sulod sang iya detention cell sa ICC.
Kaupod ni Marcos si VP Sara Duterte kag ang iloy sang bise presidente nga si Elizabeth Zimmerman nga nagpadulong sa Qatar antes naglupad padulong sa The Hague, Netherlands agud magbisita sa anay presidente.
Sa pihak sini, nakasulod ang bise presidente kag una nga asawa ni FPRRD nga si Elizabeth Zimmerman.
Ginpahayag nga malipayon nga ginahulat sang anay presidente ang pag-abot sang duha sa sulod sang iya detention facility.
Ang pagbisita sang bise presidente ang ginhimo agud magselebrar sang iya kaadlawan kaupod ang iya amay.
Nagpamulong-pulong man ang bise presidente sa ila mga supporters kag nagpalab-ot sang iya hugot nga pagpasalamat sa ila wala untat nga pagsuporta sa ila pamilya.
Magapabilin sa The Hague si VP Sara tubtub sa Hunyo 4, nga amo man ang adlaw sang iya pagbalik sa pungsod.
