Nagapati si Senator Sherwin Gatchalian nga nagabinutig sa ginpatigayon nga paghinun-anon sang Senado si Shiela Guo.
Suno kay Gatchalian, kabaliskaran sa mga pahayag ni Shiela nga wala ini nakahibalo sa operasyon sang mga kompanya sang mga Guo, kag nagapati ini nga madamo sang ihibalo si Shiela kag nagapakuno-kuno lamang nga inosente ini.
Nakumparar pa ni Gatchalian nga parehas lamangkag wala sang kinalain ang mga aksyon ni Shiela sa mga nangin hulag ni Alice.
Ginatumod sang senador nga sa 96 ka beses siya nga nagpirma sa mga dokumento sang mga kompanya sang pamilya Guo bilang secretary ukon treasurer sa diin pamatuod sang iya madalum nga ihibalo.
Kadungan sini, napabakod pa ang pagpati ni Gatchalian nga gingamit ang embroidery kag farm corporations sang pamilya Guo agud mapasulod sa pungsod ang mga kwarta nga gingamit sa pagpatukod sang mga POGO hub sa Tarlac kag Pampanga.
Base suno diri sa mga dokumento ang kita sang embroidery sadtong 2013 yara sa P1-M lamang apang ang nagsulod nga kwarta yara sa P576-M samtang ang QJJ Farm nagkita lamang sang P1.4-M apang ang nagsulod nga deposits P4-B.
