Aminado si Senator Sherwin Gatchalian nga nahinayan ini sa paghulag sang mga kaso batuk kay dismissed Bamban, Tarlac Mayor Alice Guo kag sa iban pa nga miyembro sang pamilya Guo.
Ini ang bangud pila na ka bulan ang imbestigasyon sang Senado apang wala sa gihapon nga isa sa mga Guo ang napasakaan sang kaso.
Dismayado si Gatchalian bangud ang kakulangan sang kaso ang isa sa isyu kun ngaa wala sa gihapon may napatuman nga hold departure order (HDO) batuk sa ila.
Partikular nga nahinayan si Gatchalian sa pag-aksyon sang Anti-Money Laundering Council (AMLC) bangud sa umpisa pa lang, klaro na nga may kaso sang money-laundering si Alice Guo.
Ginpahayag pa sang mamalidha nga kun wala sang warrant of arrest nga ginpaguwa ang Senado kag Kamara, wala kuntani sang basehan agud mabalik sa Pilipinas sanday Shiela Guo kag Cassandra Li Ong.
