Nangin emosyonal si Senador Pia Cayetano matapos ang pahayag ni Senator Risa Hontiveros nga “kaangay nga wala sang natabo” angut sa shooting incident sa Senado sang nagligad nga semana.
Suno kay Cayetano, tuman ang kasakit sa ila ang nasambit nga pahayag bangud para sa mga Sernador nga yara sa Senado, madamo na ang natabo kag tuman ang ila nabatyagan nga kahadlok.
Matandaan nga ang insidente natabo sang Mayo 13, sa sulod sang compound sang Senado.
Ang insidente nagtuga sang kahadlok sa mga senador kag empleyado, kag nagtuga sang mga pamangkotanon nahanungod sa seguridad sa sulod sang institusyon.
May mga alegasyon man nga nakabaton sang text message ang pila ka mga miyembro antes ang pagpangluthang, nga nagtugot sa ila nga makaguwa sa compound antes ang insidente.
Sa subong, padayon pa ang imbestigasyon sang majority kun ano gid ang natabo sa insidente, samtang ang minority ang natalana nga magpatigayon sang caucus agud istoryahan ang ila panindugan.
