Senador Raffy Tulfo, ginsita si Ortonio kon ngaa wala siya nagpangkot sa mga pangalan nga nalista sa acknowledgement receipts sang OVP

Ginkwestyon ni Senador Raffy Tulfo kun ngaa wala gani nagpamangkot si OVP Assistant Chief of Staff Lemuel Ortonio sa mga pangalan nga nalista sa acknowledgement receipts sang Office of the Vice President.

Wala nagapati si Tulfo nga wala gani matalupangdan ni Ortonio ang makatilingala ukon tumalagsahon nga mga ngalan.

Suno sa iya, isa ka edukado nga tawo si Ortonio, gani sigurado nga nakahibalo siya nga ang iban nga ngalan sa mga resibo wala nagakabagay, kaangay sang apelyido nga Pusa, Pawikan, Belat, kag iban pa, rason kon ngaa ‘ginakadlawan’ sang publiko sa amo nga isyu.

Dugang pa nga gin-insister ni Tulfo nga si Ortonio ‘nagapakuno-kuno lang nga ignorante.’