Ginpanindugan ni Senador Rodante Marcoleta nga handa ini nga atubangon ang anuman nga legal nga proseso angut sa reklamo nga plunder may kaangtanan sa ginaalegar wala gindeklarar nga campaign contributions.
Sa ikaduha nga adlaw sang Iglesia ni Cristo rally, ginpahayag ni Marcoleta nga wala siya sang kahadlok kun kinahanglan nga dakpon ukon prisuhon bilang kabahin sang legal nga proseso.
Suno sa senador, handa ini nga batunon ang ano man nga konsekwensya kun ini para sa depensa sang hustisya, kaayuhan sang pungsod, kag interes sang pumuluyong Pilipino.
Gintawag man sini nga “fabricated” ang kaso nga ginpasaka batuk sa iya.
Matandaan nga gin-anunsyo sang Office of the Ombudsman ang plano nga magpasaka sang non-bailable plunder case batok kay Marcoleta may kaangtanan sa gin-alegar P75 million nga undeclared campaign contributions.
Samtang una na nga ginpasalig sang Ombudsman nga indi maapektuhan ang pagpasaka sang kaso sa Iglesia ni Cristo rally, samtang ginahulat ang masunod nga tikang sa legal nga proseso.
