Ginsumiter na ni Senator Imee Marcos ang chairman’s report sang Senate Committee on Foreign Relations sa Office of the Ombudsman.
Ini ang may kaangtanan sa pagkadakop kay anay Presidente Rodrigo Duterte nga gindala sa The Hague bangud sa kaso nga crime against humanity.
Sa iya sulat kay Ombudsman Samuel Martires, ginpahayag ni committee chairperson Imee Marcos nga nabuyagyag sa hearing ang ginhimo sang mataas nga opisyal sang gobyerno.
Ang mga aksyon sang mataas nga opisyales sang gobyerno mahimo magbuyagyag sa ila sa mga kaso kriminal kag administratibo.
Pila sa mga opisyal nga luyag sang senadora nga imbestigaran sang Ombudsman sanday Justice Secretary Jesus Crispin “Boying” Remulla, Interior Secretary Juanito Victor “Jonvic” Remulla, PNP chief Police Gen. Rommel Marbil, CIDG chief Police Gen. Nicolas Torre III, kag Special Envoy for Transnational Crimes Markuscan Lailano.
Nagapati man ang senador nga wala sang kahadlok kag impartial ang Ombudsman kag ila nga pasakaan sang kaso ang mga dapat kasuhan.
Madumduman sang Marso 11 nga gindakop ang anay presidente agud atubangon ang kaso nga crime against humanity sa International Criminal Court bangud sang iya maduguon nga kampanya batok sa iligal nga droga sa tion sang iya pagpungko.
