Ma-resume na bwas nga adlaw, Nobyembre 14, 2025 ang Senate Blue Ribbon Committee hearing sa diin 19 ka mga myembro sang Kamara ang gin-imbitar agud masabat ang mga alegasyon sang kurapsyon sa flood control projects.
Ang hearing ang pamunoan sa gihapon ni Senate President Pro Tempore Panfilo “Ping” Lacson, nga liwat nga magapungko bilang chairperson sang komitiba.
Pila sa mga key individuals nga imbitado sa hearing amo sanday;
- Former House Speaker Martin Romualdez: ang gintudlo ni former security consultant Orly Guteza sa ginaalegar kickbacks scheme
- Resigned Ako Bicol party-list Rep. Zaldy Co: gin-akusaran nga nagabaton sang kickbacks halin sa mga infrastructure projects kag ginaalegar nagapanag-iya sang mga private planes kag helicopters nga nagabalor P4.7 billion
- Rep. Eric Yap: gintudlo man ni Guteza kag gin-akusaran nga may kahilabtanan sa kickback scheme
Lantawon sang komitiba ang mga testimoniya sang mga testigo lakip na ni Guteza nga amo ang nagasiling nga naga-deliver sang suitcases nga may unod nga minilyon nga kwarta bilang kickbacks sang mga mamalidha.
Apang suno kay Senator Imee Marcos, possible bawion sang pila ka mga testigo ang ila testimoniya bangud sa pamahog sa ila seguridad.
