Ginpahayag ni Senador Erwin Tulfo nga wala sang may nagakontak sa iya may kaangtanan sa ginapaalinton nga panibag-o nga “Senate coup” ukon pag-ilis sang liderato sa Senado, apang indi niya ini ginakabig nga imposible nga matabo.
Nagguwa ang isyu matapos ginpahayag ni Alan Peter Cayetano nga may mga miyembro sang minority bloc nga nagaistoryahanay sa iban nga senador agud mahikayat nga magsaylo sang suporta. Suno kay Tulfo, bisan wala siya may nabatian nga direktang tikang ukon panawagan, posible gihapon nga may matabo nga pagbag-o bangud manipis lamang ang kalain sang numero sa majority kag minority bloc.
Dugang pa niya, mas maayo nga tutukan sang Senado ang mga problema sang pumuluyo pareho sang mataas nga presyo sang gasolina, pagkaon kag serbisyo sa health care imbes nga magpokus sa pulitika kag pag-ilis sang liderato.
