Nagpagwa na sang pormal nga abiso ang Senate Impeachment Court nga nagamando kay Vice President Sara Duterte nga magtambong sa pagbukas sang iya impeachment trial sa Hulyo 6, 2026, sa Senate Session Hall sa Pasay City.
Ang abiso, ang ginpirmahan ni Senate President Sherwin Gatchalian nga magaserbe bilang presiding officer sang impeachment court nga dapat mag-atubang si Duterte sa personal ukon paagi sa iya mga abogado, suno sa Writ of Summons nga gin-isyu sang Mayo 19.
Ang Senado nagtalana sang 92 ka adlaw nga trial, nga may 62 ka adlaw nga gintalana para sa mga House prosecutors kag 30 ka adlaw para naman sa depensa.
Sa pagsugod sang trial, ang prosekusyon kag ang depensa ginalauman nga mag-file sang ila formal appearances antes maghatag sang ila opening statements..
Nahibaluan nga ang hearing ang pagahiwaton halin Lunes tubtob Miyerkules sumugod alas 2:00 sang hapon, kag igasaylo sa Martes tubtob Huwebes nga iskedyul kasunod sang State of the Nation Address ni President Ferdianand Marcos sa Hulyo 27.
Kon mapamatud-an nga guilty siya sa bisan isa lang ka articles of impeachment, pagakakson siya sa iya posisyon bilang Vice President kag madulaan sang kinamatarong nga magpadalagan liwat sa ano man nga posisyon sa gobyerno, lakip na ang iya ginalauman nga kandidatura sa pagkapresidente sa tuig 2028.
