Senate impeachment court, nagpahanumdon nga mahimo ma-cite in contempt ang bisan sin-o nga maglapas sang mga pagsulundan sa impeachment trial

Nagpahanumdom ang Senate Impeachment Court nga mahimo ma-cite in contempt ang bisan sin-o nga maglapas sang mga pagsulundan sa impeachment trial.

Suno kay impeachment court spokesperson Atty. Reginald Tongol ang mga senator-judges ang may autoridad nga magmando sa presiding officer nga i-cite in contempt ang bisan sin-o nga partisipante, lakip ang mga witness, abogado, ukon iban pa nga nagatuga sang kagamo sa tion sang hearing.

Suno kay Tongol, ang ma-contempt mahimo makabaton sang multa, pagkapreso, ukon pagpahalin sa Senate session hall.

Apang, antes ini mahimo, kinahanglan anay nga may mag-file sang mosyon.